យោងតាមប្រកាសលេខ ធ៧-០១៧-២៩៩ ប្រ.ក របស់ ធនាគារជាតិនៃកម្ពុជា ធនាគារឯកទេស ខេប៊ី ដេហាន ម.ក សូមជម្រាបជូនដំណឹងដល់អតិថិជនទាំងអស់របស់ធនាគារឲ្យបានជ្រាបថា៖
ប្រសិនបើអតិថិជនមានបំណងបញ្ចេញមតិយោបល់បង្ហាញពីការមិនពេញចិត្តលើផលិតផល ឬសេវាកម្មរបស់ធនាគារយើងខ្ញុំ អតិថិជនអាចជ្រើសរើសវិធីសាស្រ្តណាមួយដូចរៀបរាប់ខាងក្រោម៖
- បណ្តឹងផ្ទាល់មាត់៖ ធនាគារនឹងដោះស្រាយបណ្តឹងរបស់អតិថិជនក្នុងរយៈពេល ២ថ្ងៃធ្វើការ។ ប្រសិនបើមិនអាចដោះស្រាយបានទេ ធនាគារនឹងជូនដំណឹងដល់អតិថិជនឲ្យដាក់បណ្តឹងជាលាយលក្ខណ៍អក្សរមកកាន់ធនាគារ។ ចំពោះបណ្តឹងផ្ទាល់មាត់ អតិថិជនអាចទាក់ទងមកកាន់លេខ ០១៥ ៩៩៩ ៧៤៨
- បណ្តឹងជាលាយលក្ខណ៍អក្សរ៖ ធនាគារនឹងឆ្លើយតបបណ្តឹងរបស់អតិថិជនក្នុងរយៈពេល ៣០ថ្ងៃប្រតិទិន បន្ទាប់ពីបានទទួលពាក្យបណ្តឹង។
អតិថិជនអាចមកយកទម្រង់ពាក្យបណ្តឹងដោយផ្ទាល់នៅការិយាល័យកណ្តាលរបស់ធនាគារ ឬ ផ្ញើបណ្តឹងអតិថិជនមកកាន់អ៊ីម៉ែល ccmu@kdsb.com.kh ។
ក្នុងករណីអថិជនមិនយល់ស្របតាមសេចក្តីសម្រេចរបស់ធនាគារ អតិថិជនអាចធ្វើសំណើជាលាយលក្ខណ៍អក្សរដោយភ្ជាប់ជាមួយនូវច្បាប់ថតចម្លង និងសេចក្តីសម្រេចរបស់ធនាគារទៅកាន់ធនាគារជាតិនៃកម្ពុជា ក្នុងរយៈពេលយ៉ាងយូរ ៣០ថ្ងៃប្រតិទិន ចាប់កាលបរិច្ឆេទទទួលបានសេចក្តីសម្រេចរបស់ធនាគារ។សម្រាប់ព័ត៌មានលំអិត សូមទំនាក់ទំនងមកកាន់ផ្នែកគ្រប់គ្រងបណ្តឹងអតិថិជនរបស់ធនាគារតាមរយៈទូរស័ព្ទលេខៈ ០១៥ ៩៩៩ ៧៤៨ ។
