សារពី‍នាយកប្រតិបត្តិ

ក្រោយពីយើងបានបញ្ចប់ឆ្នាំ២០២៥ ខ្ញុំសូមថ្លែងអំណរគុណយ៉ាងជ្រាលជ្រៅចំពោះភាគទុនិក អតិថិជន និងបុគ្គលិករបស់យើងចំពោះការជឿទុកចិត្តនិងការគាំទ្រជាបន្តបន្ទាប់របស់អ្នកទាំងអស់គ្នា។ ទោះបីជាបរិយាកាសហិរញ្ញវត្ថុមានការផ្លាស់ប្តូរយ៉ាងឆាប់រហ័សនិងការប្រកួតប្រជែងទីផ្សារកាន់តែខ្លាំងឡើងក៏ដោយធនាគារ KDSB នៅតែអាចទប់ទល់បាននូវភាពធន់ និងសម្រេចបាននូវវឌ្ឍនភាពដ៏មានអត្ថន័យតាមរយៈការប្តេជ្ញាចិត្តរបស់យើងចំពោះការរីកចម្រើនប្រកបដោយចីរភាពនិងស្ងេរភាព។
 
នៅក្នុងឆ្នាំ២០២៥ ធនាគារ KDSBបានសម្រេចលទ្ធផលដ៏ល្អដែលក្នុងនោះរួមមាន៖

លទ្ធផលទាំងនេះឆ្លុះបញ្ចាំងពីការជឿទុកចិត្តរបស់អតិថិជនរបស់យើងនិងការលះបង់របស់បុគ្គលិករបស់យើង។ គោលដៅចម្បងរបស់យើងមិនត្រឹមតែការពង្រីកខ្លួនឱ្យក្លាយទៅជាគ្រឹះស្ថានហិញ្ញវត្ថុដែលធំជាងមុនប៉ុណ្ណោះទេប៉ុន្តែថែមទាំងកែប្រែខ្លួនឱ្យក្លាយជាស្ថាប័នដែលរឹងមាំ និងប្រសើរជាងមុន ដោយមានមូលដ្ឋានគ្រឹះដ៏រឹងមាំការអនុវត្តប្រកបដោយវិន័យ និងការគ្រប់គ្រងហានិភ័យប្រកបដោយការទទួលខុសត្រូវ។ 
នៅក្នុងចក្ខុវិស័យក្នុងឆ្នាំ២០២៦ យើងនៅតែមានសុទិដ្ឋិនិយមខ្ពស់ ក្នុងការយកឈ្នះលើ បញ្ហាប្រឈមទាំងអស់ដែលអាចនឹងកើតមាន។ស្មារតីការងារជាក្រុម ការប្តេជ្ញាចិត្ត និងភាពធន់ដែលដែលយើងសម្រេចបានពេញមួយឆ្នាំ ២០២៥កន្លងមកនេះ គឺជាមូលដ្ឋានគ្រឹះដ៏រឹងមាំសម្រាប់វឌ្ឍនភាពជាបន្តបន្ទាប់របស់យើង។ 
បេសកកម្មរបស់យើងនៅតែច្បាស់លាស់៖ការចូលរួមចំណែកដល់សង្គមកម្ពុជា ដោយការផ្តល់សេវាហិរញ្ញវត្ថុដែលអាចជឿទុកចិត្តបាន និងសេវាកម្មហិរញ្ញវត្ថុកម្រិតខ្ពស់ប្រកបដោយសុចរិតភាព។យើងមានឆន្ទៈពង្រីក      ឱកាសហិរញ្ញវត្ថុសម្រាប់ប្រជាជនកម្ពុជា ខណៈពេលនេះដែរយើងក៏បានពង្រឹងតួនាទីរបស់យើងជាដៃគូហិរញ្ញវត្ថុដែលមានទំនុកចិត្ត នៅក្នុងសហគមន៍ដែលយើងកំពុងបម្រើ។

នៅក្នុងទស្សនវិស័យឆ្នាំ២០២៦ យើងនឹងផ្តោតទៅលើអាទិភាពសំខាន់ៗចំនួនបី៖

សមិទ្ធផល​ក្នុងឆ្នាំ២០២៥ គឺជា​ព្រឹត្តិការណ៍​សំខាន់​មួយ ប៉ុន្តែ​ទំនុកចិត្ត និង​ការស្មារតីធ្វើការ​ជាក្រុម​ដែល​យើង​បាន​កសាង​រួមគ្នា​នឹង​បន្តជាមាគ៌ា​ដឹកនាំ​អនាគត​របស់​យើង។ 
ខ្ញុំសូមកោតសរសើរយ៉ាងស្មោះស្ម័គ្រចំពោះការខិតខំប្រឹងប្រែងរបស់គ្រួសារធនាគារ KDSB ទាំងមូល ហើយទន្ទឹងរង់ចាំការសម្រេចបាននូវវឌ្ឍនភាពដ៏អស្ចារ្យបន្ថែមទៀតជាមួយគ្នានៅឆ្នាំ២០២៦។